Улсын онцгой комиссын шуурхай бүлэг Баянхонгор аймгийн өвөлжилт, хаваржилт, цас зудын нөхцөл байдал цаашид авч хэрэгжүүлэх арга хэмжээтэй танилцаж аймгийн онцгой комиссын хийж хэрэгжүүлж байгаа үйл ажиллагаанд үнэлэлт дүгнэлт өгсөн юм.
Баянхонгор аймгийн тухайд зун өвсний гарц бага намар оройтож нойтон цас орсны улмаас зудын нөхцөл байдал үүсч нийт 17000 гаруй мал хоргодож аймгийн онцгой комиссын зудын эрсдэлийн түвшний үнэлгээгээр 11 суманд маш их эрсдэлтэй түвшинд үнэлэгдсэн байна.
Тус аймгийн онцгой комиссын бүрэлдэхүүний уламжилснаар нөхцөл байдал хамгийн хүнд шатанд хүрсэн сумдын мэдээллийг авч нэн шаардлагатай тусламжийг үзүүлэхээр санал хүсэлтийг шийдвэрлэлээ.
Мөн Онцгой байдлын байгууллага болон Зэвсэгт хүчний алба хаагчдаас бүрдсэн бүрэлдэхүүн, нэгж тeхникүүдийн цуваа малчдад өвс тэжээл хүргэхээр замд гарлаа.
Сэтгэгдэл бичих