Шинэ мэдээ

Сансар сүлжээ дэлгүүр Да хүрээд шинэ салбараа нээлээ5-р сарын 29МАХН-ын дарга Н.Энхбаярын асуудлаар СЕХ-нд ханджээ5-р сарын 28Зургадугаар сард Төвийн нутгуудаар олон жилийн дунджаас ахиу хур тунадас орно5-р сарын 28Тахалтай орнууд ХӨЛ ХОРИОГОО сулруулаад байх, манайх чангалаад байх аль нь ЗӨВ БЭ5-р сарын 28ЧИМЭЭГҮЙ ЖАГСААЛ: Бяцхан гуталнууд юуг өгүүлнэ вэ?5-р сарын 28“Улс төрийн санал асуулга явуулсан хувь хүнийг 20 сая, хуулийн этгээдийг 200 сая төгрөгөөр торгоно“5-р сарын 28Зургаан байршилд хурд хэмжиж байна5-р сарын 28Н.Номтойбаярын гэм буруу шүүхээр тогтоогдоогүй байгаа учир нэр дэвшигчээс хасахгүй5-р сарын 28Бусдын хөрөнгийг үнэгүйдүүлэн залилсан О.Магнайгийн хэргийг шүүхэд шилжүүлжээ5-р сарын 2820.000 залуусыг хулхитсан Д.Батбаяр Баян хошуунд 10 мянган айлын орон сууц барина гэв5-р сарын 28Г.Загдаа ар гэрийнхэндээ гэрээслэл бичжээ5-р сарын 28Нэр дэвшигч Н.Номтойбаярыг цагдан хорих шийдвэр гаргажээ5-р сарын 28Нас барсан хүүхдүүдийн хоёр нь ах дүүс байсан5-р сарын 28Гэвш лам Дэнгела буяны их үйлээ түгээсээр байна5-р сарын 28Б.Бат-Амгалан: Одоогийн МАХН, МАН-ын аль нь ч Ю.Цэдэнбал даргын нам биш...5-р сарын 28ХЭҮК-ын болон Эрүү шүүлтээс урьдчилан сэргийлэх асуудал эрхэлсэн гишүүний сонгон шалгаруулалтад нэр дэвших тухай 24 хүсэлт хүлээн авчээ5-р сарын 28Олон улсын аялал жуулчлал 2023 он хүртэл хэвийн байдалдаа орохгүй гэв5-р сарын 28196 мянган малчны дансанд ноолуурын урамшуулал шилжин оржээ5-р сарын 28Коронавирусийн эсрэг вакцин БИДНИЙ АМЬДРАЛЫГ хэвэнд нь оруулж чадах уу?5-р сарын 28Өнжмөл өвс шатаах зөрчил 51 хувиар буурчээ5-р сарын 28УИХ-ын дарга Г.Занданшатар шагнал гардуулав5-р сарын 28Шашны хуулиар шүлэг зохиож болохгүй5-р сарын 28Маргааш “Олон улсын Энхийг сахиулагчдын өдөр”-ийг тэмдэглэнэ5-р сарын 28Үндэсний цэцэрлэгт хүрээлэнгийн захирлыг үүрэгт ажлаас нь чөлөөллөө5-р сарын 28Нийслэлийн төр захиргааны байгууллагуудын ажлын цаг зуны хуваарьт шилжинэ5-р сарын 28Т.Ууганбаяр: МАН хандивын мэдээллийг ил тод болгож, зөв жишиг тогтоолоо5-р сарын 28Боловсролын байгууллагуудад хяналт, шалгалт хийжээ5-р сарын 28Монгол Улс эрсдэлтэй цагт эдийн засгаа "барьж" иргэдээ дэмжиж чадлаа5-р сарын 28Иргэдийн эрүүл, аюулгүй байдалд эрсдэл үүсгэж буй 48 барилгын гүйцэтгэгчид мэдэгдэл хүргүүллээ5-р сарын 28Утаагүй хорооллыг урлан бүтээгч төрийн түшээ5-р сарын 28

Заавал ноёны бөх түрүүлэх ёстой юм уу?

2020 оны 5-р сарын 22  -  12 цаг 15 минут
УИХ-ын ээлжит сонгууль болоход ердөө ганцхан сар үлдлээ. Намууд нэр дэвшигчээ саяхан тодруулж нэр дэвшигчид үнэмлэхээ гардах гэж байна. Энэ цаг үед хаа сайгүй нэр дэвшсэн нөхдийн тухай л ярьж, хэлэлцэж байх юм. Арга ч үгүй л байх. Хэн хэнийг төлөөлөн төрийн түшээ болж тэр өндөр суудалд суух нь хүн бүхэнд хамаатай болохоор тунгаан ярих нь зүйн хэрэг. Сонин, хэвлэл мэдээллээр ч янз бүрийн санаа, хэл үг гарч байх л...
Та бүхнийг сонсож гунгаан бодоход намууд нэр дэвшигчдээ тодруулахдаа тийм хариуцлагатай хандсангүйг анзаарч болохоор байна биш үү. Намуудад лидер үгүйлэгдэж байна уу гэвэл тийм биш байх. Харин хэргээр үгүйлсэн мэт дүр эсгэж яг цагтаа нэгийг хасч оронд нь хэн нэгнийг “хулгайгаар” шургуулах маягаар ханддаг болжээ. Ер нь ч улстөр тогтворжоогүй цагт жинхэнэ лидерийн тухайд найдаад хэрэггүй гэдгийг саяын нэр дэвшүүлсэн байдлаас харагдлаа.
 
 
 
Намууд сонгуульд хэнийг нэр дэвшүүлэх вэ гэдгийн цаана сайн төр, засагтай больё гэсэн санаа байх учиртай. Гэтэл улстөрийн гэх тодотголтой намууд төлөвшөөгүйн улмаас зөвхөн өөрийнхөө эрх ашигт нийцсэн ямар нэг аргаар бусдаас илүү санал аваад гарч ирэх байх гэсэн нөхдийг дэвшүүлжээ.
 
 
 
МАН-ын дарга нь бид ирэх сонгуульд ёс зүйтэй, хариуцлага сахилга сайтай хүмүүсээ сонгоно гэж жилийн бүр эхэнд хэлж байсан. Тэгэхнээ гэж бодсон. Гэтэл яав. Нөгөө л Монголоо саарал, хар жагсаалт руу чирсэн хуучинсаг бас ЖДҮ-чин, концессчин нөхдөө л дахин оруулаад ирж. Олон дахин сонгогдсон ч тойрогтоо гологдсон нөхдийг тойргийг нь сольж өгөөд явуулсан харагдана. Ц.Нямдоржийг Орхонд, Ц.Цогзолмааг Ховдод, Сү.Батболдыг Дундговьд, Б.Энх-Амгаланг Говь-Алтайд гэх мэтээр.Ардчилсан Намын хувьд нэлээд шүүмжлэл хүлээж байх шиг. Яагаад гэхээр эдний намд ардчилал гэдэг юм бүр мартагдсан гэж болохоор. Хэвлэлээр гараад байгаагаас харахад, тус намд орших гурван бүлэглэлийн шахаа хийсэн хүмүүс л нэр дэвшчихэж гэж. Тэр дүр зургийг анзаараад үзэхэд бүлэглэл бүхэн өөрийн гэсэн хүнээ ямар ч цензүүргүйгээр авч байна.
Намын дарга С.Эрдэнэ, зөвлөх З.Энхболд нарын бүлэг (ер нь бүлэг гэдгийг онцгой эрхэт комисс гэж бичээд байгаа) ялагдангуй хандаж уу дээ гэмээр. Ц.Элбэгдорж, Б.Хурц нарын бүлэглэлээс тун итгэлгүй нөхөд нэр дэвшжээ гэж. Итгэлгүй гэдгээ тайлбарлавал, Э.Бат-Үүл, С.Баярцогт, Д.Ганболд, Б.Бямбасайхан, Д.Батбаяр нарын хууль шүүхээр шалгагдаж байгаа нөхөд буй. Тиймээс гэмтнүүд гэмтнээ өмөөрдөг юм байна л даа гэж ойлгогдоно. Тус нам дахь Ерөнхийлөгч Х.Баттулгын бүлгийн тодруулсан гэх нэрийг сонирхлоо. Нээрээ л тэднийхэн гэхээр. Б.Пүрэвдаваа, Г.Уянга, Д.Үүрийнтуяа, А.Адьяасүрэн гээд Ерөнхийлөгчийн хэдэн зөвлөх бүгд. Зөвлөх нэртэйгээс нь Ц.Хулан л үлдэж гэхээр. Бас АН-ын гишүүний батлахын оронд тойрог бэлэглэсэн байх юм. О.Баасанхүү, С.Жавхлан нар нэг, хоёр хоногийн өмнөхөн энэ намд элссэн. Тэдэнд дуртай тойроггоо нэр дэвш гэсэн эрх олгожээ. Мөн ч хялбархан байгаа биз. Намын батлах наймааны хэрэгсэл болж буй юм даа янз нь. Эдгээрээс дүгнээд үзэхэд МАН мандах нь, АН гологдох нь гэх хаашаа юм. Өнгөрсөн 30 жилд ээлжлэн төр, түшилцсэн хоёр томоохон нам нь ийм байна гэхээр харамсал төрж байна.
 
 
 
Өнөөгийн нэр дэвшигчдээс сонгуулийн дараахь шинэ их хурлын зургийг харах юм бол ёстой л “австракт” нэршилтэй зарим үл ойлгогдох дүр санаанд буух юм. Тэр үл ойлголт дундаас шинээр болох түшээдийн дунд улсын мөнгө хөрөнгө хумслагчид, үеэ өнгөрүүлэх гэж буй хурлынхан дундаас гардаг шиг луйварчин, хүчиндэгч, гэмт хэргийн улмаас эрхээсээ татгалзагчид байж таарах нь.
 
 
 
Бас улс орны амин чухал асуудал хэлэлцэж байхад юугаа ч мэдэхгүй мангар царайлж суух “амьтас” ч байж магадгүй нь. Ер нь хүн өөрийгөө мэдлэггүй, чадваргүй гэж үнэлдэггүй цаг иржээ дээ. МАН-д бол намын даргын эрх, мэдлийн хүрээнд, АН-д бүлэглэлийн шахааны дагуу нэр дэвшигчид тодорсон гэдэг нь ч үнэн л бололтой. Тиймээс кинон дээр “заавал ноёны бөх түрүүлэх ёстой юм уу, харцын хүүхэд түрүүлж болдоггүй хаашаа наадам бэ?” гэдэг шиг л юм санаанд ороод болох юм биш.
 
 
Д.Бичээчхүү
Эх сурвалж: "Зууны мэдээ" сонин


АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл бичих

Бүх эрх хуулиар хамгаалагдсан
© 2015-2020 он. DEED.MN