“Нийслэлийн тэргүүний ажилтан” цол тэмдгээр М.Даваабат шагнууллаа

Шинэ оны босгон дээр Нийслэлийн Засаг дарга бөгөөд Улаанбаатар хотын захирагч Х.Нямбаатар Мягмарын Даваабатыг Монгол Улсын нийслэл Улаанбаатар хотыг хөгжүүлэх их бүтээн байгуулалтад хувь нэмрээ оруулж, мэргэжлийн ур чадвар, хөдөлмөр бүтээлээ зориулсан тул “Нийслэлийн тэргүүний ажилтан” цол тэмдгээр шагнажээ.

М.Даваабат нь Хөдөлмөрийн аюулгүй байдал, эрүүл мэндийн төвийн даргаар ажиллаж байхдаа тус агентлагийн харъяа Мэргэжлээс шалтгаалах өвчин судлалын эмнэлгийн барилгыг шинээр зураг төслийг хийлгэх, улсын төсөвт хөрөнгө мөнгийг нь суулгахаас эхлээд ашиглалтад орох хүртэл хүчин зүтгэж, Улаанбаатар хотод шинэ бүтээн байгуулалт босгосон юм.

Тус эмнэлэг нь 1967 онд Улсын мэргэжлийн өвчний диспансер нэртэйгээр байгуулагдан, хүнд үйлдвэр, уул уурхайн ажилтнуудад мэргэжлийн өвчний оношилгоо, эмчилгээ, хөдөлмөрийн эрүүл мэндийн тусламж үзүүлж иржээ. Харин өдгөө олон жилийн түүхтэй тус эмнэлгийг шинэчлэн барьснаар олон улсын жишигт нийцсэн мэргэжлийн өвчний оношилгоо, эмчилгээ, нөхөн сэргээх дэвшилтэт технологи бүхий орчин цагийн эмнэлэг болон үүд хаалгаа нээлээ.

МЯГМАРЫН ДАВААБАТЫН ТОВЧ НАМТАР

М.Даваабат нь 1987 онд Баянхонгор аймгийн Өлзийт суманд төрсөн.

БОЛОВСРОЛ:

1995-2005 онд Баянхонгор аймгийн Өлзийт сумын Ерөнхий боловсролын дунд сургууль,

2005-2011 онд Эрүүл Мэндийн Шинжлэх Ухааны Их Сургууль ( АШУҮИС )- ийн Анагаах Ухааны Сургууль , Хүний их эмч, Бакалавр

2018-2019 онд Удирдлагын Академийн Төрийн Алба Удирдлагын Сургууль Төрийн захиргааны менежментээр мэргэшүүлэх дипломын сургалт

2019-2020 онд Удирдлагын Академийн Төрийн Алба Удирдлагын Сургууль Төрийн захиргааны менежментийн Магистр

2019-2021 онд Шинжлэх Ухаан Технологийн Их Сургуулийн Уул Уурхайн Сургууль-д Хөдөлмөрийн эрүүл мэнд, аюулгүй байдал хөтөлбөрөөр Техникийн ухааны Магистр

2020 онд Удирдлагын Академийн Төрийн Алба Удирдлагын Сургуулийн Төрийн захиргааны Ахлах түшмэлийн мэргэшүүлэх багц сургалт

2024 онд Удирдлагын Академийн Төрийн Алба Удирдлагын Сургуулийн Төрийн захиргааны Эрхэлсэн түшмэлийн мэргэшүүлэх багц сургалт

2025 онд Удирдлагын Академийн Төрийн Алба Удирдлагын Сургуулийн Төрийн захиргааны Тэргүүн түшмэлийн мэргэшүүлэх багц сургалтуудыг тус тус төгсчээ.

АЖИЛЛАСАН БАЙДАЛ:

2011-2014 онд Цахим Эмч ХХК Гүйцэтгэх Захирал,

2012-2015 онд Үнэн Ньюс ХХК Ерөнхий Захирал,

2015 онд Хөдөлмөрийн яамны харьяа Хөдөлмөрийн эрүүл мэнд судлалын төвийн Газрын дарга

2015.12.01 – 2016.07.01 ЭТҮГЭН группийн ТУЗ-ийн гишүүн, ЭТҮГЭН Мэргэжлийн сургалт үйлдвэрлэлийн төвийн Захирал

2016 – 2024 онд ГБХНХЯамны харьяа Хөдөлмөрийн Аюулгүй Байдал, Эрүүл Мэндийн Төв ( ХАБЭМТ )-ийн Захирал, Дарга

2025 онд Шинжлэх Ухаан Технологийн Их Сургуулийн Хөдөлмөрийн Аюулгүй Байдал Эрүүл Ахуйн Сургалт Судалгааны Төвийн Зөвлөхөөр тус тус ажиллаж,төр хувийн хэвшлийн салбарын дадлага туршлагыг хуримтлуулсан.

СОНГУУЛЬТ АЖИЛ:

М.Даваабат нь Монголын Хүний Хөгжил, Бүтээн байгуулалтыг дэмжих төв, Монголын Хэвлэл Мэдээллийн Маркетингийн Холбоо, Би Чамд Хайртай ТББ, Ардчилсан сайтуудын Клубын үүсгэн байгуулагч гишүүдийн нэг.

2012- 2014 онд Нийгмийн ардчилал Монголын Оюутны Холбооны УЗ-ийн гишүүн

2013-2015 онд Монголын Сайтын Холбооны УЗ-ийн гишүүн

2014-2015 онд Монголын Эрүү Нүүр Гажиг Засалчдын Холбооны Ерөнхийлөгч

2015- -2016 онд Нийгмийн ардчилал Монголын Залуучуудын Холбооны бага хурлын гишүүн

2017-2021 онд Хөдөлмөрийн Аюулгүй Байдал, Эрүүл Ахуйн Үндэсний Хорооны Гишүүн

2024 оноос YES MONGOLIA ТББ-ын УЗ-ийн гишүүний сонгуульт албыг хашиж байна.