М.Даваабат “Оны онцлох залуу” өргөмжлөл, цомоор шагнууллаа

“Монголын Залуучуудын Холбоо”, “Залуу удирдагч сан” санаачлан Монгол Улсын өнөөгийн нийгэм улстөр, эдийн засгийн байдалд үнэлэлт дүгнэлт өгөх, залуу төр нийгмийн зүтгэлтэн, бизнесмэнүүдийн нэр хүндийн рейтинг тогтоох зорилгоор 1992 оноос “Оны залуу”-г алдаршуулан шалгаруулдаг “Next Stop” харшийн наадмыг уламжлал болгон зохион байгуулж ирсэн түүхтэй. 31 жилийн туршид үнэ цэнээ алдаагүй, илүү амжилттай, нэр хүнд нь өсөн нэмэгдэж байгаа “Next Stop” наадам манай улсын хамгийн том харшийн наадам, ёслол хүндэтгэлийн үйл ажиллагаа гэдэгтэй хэн ч маргадаггүй.

Энэхүү наадмаас төрөн гарсан хүмүүс бол манай нийгэм улс төр, эдийн засаг бизнесийн салбарын томчууд байгаад зогсохгүй салбар бүртээ манлайлагчид тодорхойлогчид байдаг юм. “Next Stop”наадам жил болгон өөр өөрийн гэсэн онцлогтойгоор зохион байгуулагдаж дахин давтагдашгүй түүхийг бичдэг. Энэхүү түүхийг бичилцдэг хүмүүс яахын аргагүй наадмын нэр дэвшигчид болоод үе үеийн “Оны залуу”-с юм. Энэ жилийн хувьд нийгэм улс төрийн салбарт 46, эдийн засаг бизнесийн салбарт 38 шижигнэсэн залуус нэр дэвшиж, маш хүчтэй өрсөлдсөн юм.

Шилдэг улстөрч, бизнесмэн оны залууг тодруулдаг Next stop шалгаруулалт үе, үеийн шилдгүүдийг тодруулж, ирээдүйн лидерүүдийг төрүүлдэг уламжлалтай.

Энэ жилийн Next stop-2023 Ёслол хүндэтгэлийн арга хэмжээгээр Монгол Улсын салбар бүрийн оны шилдэг 8 залууг тодруулсан бөгөөд Төрийн байгууллагыг тасралтгүй олон жил амжилттай удирдаж буй ХНХЯамны харьяа Xөдөлмөрийн аюулгүй байдал, эрүүл мэндийн төвийн дарга М.Даваабатыг шалгаруулан оны онцлох залуу удирдагчаар нэрлэн өргөмжлөл, цомыг нь гардуулан өгчээ.

Хөдөлмөрийн аюулгүй байдал, эрүүл мэндийн төвийн дарга М.Даваабат нь ХНХЯамны харьяа Xөдөлмөрийн аюулгүй байдал, эрүүл мэндийн төвийн Мэргэжлээс шалтгаалах өвчин судлалын эмнэлгийн барилгыг шинээр зураг төслийг хийлгэх, улсын төсөвт хөрөнгө мөнгийг нь суулгахаас эхлээд ашиглалтад орох хүртэл хүчин зүтгэж, Улаанбаатар хотод шинэ бүтээн байгуулалт бий болгохоор зорьж буй юм.

Тус эмнэлэг нь 1967 онд Улсын мэргэжлийн өвчний диспансер нэртэйгээр байгуулагдан, хүнд үйлдвэр, уул уурхайн ажилтнуудад мэргэжлийн өвчний оношилгоо, эмчилгээ, хөдөлмөрийн эрүүл мэндийн тусламж үзүүлж иржээ. Харин өдгөө олон жилийн түүхтэй тус эмнэлгийг шинэчлэн барьснаар олон улсын жишигт нийцсэн мэргэжлийн өвчний оношилгоо, эмчилгээ, нөхөн сэргээх дэвшилтэт технологи бүхий орчин цагийн эмнэлэг болон үүд хаалгаа удахгүй нээнэ.

МЯГМАРЫН ДАВААБАТЫН ТОВЧ НАМТАР

М.Даваабат нь Баянхонгор аймгийн Өлзийт суманд төрсөн.

БОЛОВСРОЛ:

1995-2005 онд Баянхонгор аймгийн Өлзийт сумын Ерөнхий боловсролын дунд сургууль,

2005-2011 онд Эрүүл Мэндийн Шинжлэх Ухааны Их Сургууль ( АШУҮИС )- ийн Анагаах Ухааны Сургууль , Хүний их эмч, Бакалавр

2018-2019 онд Удирдлагын Академийн Төрийн Алба Удирдлагын Сургууль Төрийн захиргааны менежментээр мэргэшүүлэх дипломын сургалт

2019-2020 онд Удирдлагын Академийн Төрийн Алба Удирдлагын Сургууль Төрийн захиргааны менежментийн Магистр

2019-2021 онд Шинжлэх Ухаан Технологийн Их Сургуулийн Уул Уурхайн Сургууль-д Хөдөлмөрийн эрүүл мэнд, аюулгүй байдал хөтөлбөрөөр Техникийн ухааны Магистр

2020 онд Удирдлагын Академийн Төрийн Алба Удирдлагын Сургуулийн Төрийн захиргааны Ахлах түшмэлийн мэргэшүүлэх багц сургалт

2023 онд Удирдлагын Академийн Төрийн Алба Удирдлагын Сургуулийн Төрийн захиргааны Эрхэлсэн түшмэлийн мэргэшүүлэх багц сургалт

МЭРГЭШҮҮЛЭХ СУРГАЛТАД ХАМРАГДСАН БАЙДАЛ:

2015 - 2016 онд Соёмбо Академи - Төрийн удирдлага, эрх зүй ( Мэргэшлийн диплом )

2016 онд БНХАУ-ын Бээжин хот Renmin University - Хэвлэл мэдээлэл, маркетинг менежмент

2017 онд Холбооны Бүгд Найрамдах Герман Улс - Хөдөлмөрийн аюулгүй байдал

2018 онд ХНХЯ, ЭМЯ, ДЭМБ ( World Health Organization ) ХАБЭМТ - Хөдөлмөрийн эрүүл мэндийн суурь тусламж үйлчилгээ олон улсын сургалт

2018 онд Хөдөлмөрийн аюулгүй байдал, эрүүл ахуйн үндэсний хороо, БНХАУ-ын UICC групп - Хөдөлмөрийн эрүүл мэнд, аюулгүй байдлын менежментийн тогтолцооны ISO45001 тогтолцооны сургалт

2018 онд БНХАУ-ын Шанхай хот - Олон улсын эрүүл мэндийн экспо, сургалт

2019 онд Корпорэйт Трейнинг ХХК - Компанийн засаглалын цогц сургалт

2019 онд Япон Улс Хөдөлмөрийн эрүүл мэнд

2020 онд Компанийн засаглалын үндэсний зөвлөл - Компанийн засаглалын сургалт

2020 онд Монгол Улсын АШУҮИС-ийн Мэргэжил Дээшлүүлэх Институт - Мэргэжлийн шалтгаант өвчин судлал чиглэлээр мэргэжил дээшлүүлэх сургалт

2023 онд Австралийн Холбооны Улс Сидней хот - Хөдөлмөрийн аюулгүй байдал, эрүүл ахуйн Дэлхийн дээд хэмжээний уулзалт, сургалт

2023 онд БНСУ-ын Сөүл хотын Magok Safety Experience Center - Хөдөлмөрийн аюулгүй ажиллагааны туршлага сургалт

АЖИЛЛАСАН БАЙДАЛ:

2011-2014 онд Цахим Эмч ХХК Гүйцэтгэх Захирал,

2012-2015 онд Үнэн Ньюс ХХК Ерөнхий Захирал,

2015 онд Хөдөлмөрийн яамны харьяа Хөдөлмөрийн эрүүл мэнд судлалын төвийн Газрын дарга

2015.12.01 – 2016.07.01 ЭТҮГЭН группийн ТУЗ-ийн гишүүн, ЭТҮГЭН Мэргэжлийн сургалт үйлдвэрлэлийн төвийн Захирал

2016 – Одоог хүртэл ГБХНХЯамны харьяа Хөдөлмөрийн Аюулгүй Байдал, Эрүүл Мэндийн Төв ( ХАБЭМТ )-ийн Захирал, Дарга

СОНГУУЛЬТ АЖИЛ:

М.Даваабат нь Монголын Хүний Хөгжил, Бүтээн байгуулалтыг дэмжих төв, Монголын Хэвлэл Мэдээллийн Маркетингийн Холбоо, Би Чамд Хайртай ТББ, Ардчилсан сайтуудын Клубын үүсгэн байгуулагч гишүүдийн нэг.

2012- 2014 онд Нийгмийн ардчилал Монголын Оюутны Холбооны УЗ-ийн гишүүн

2013-2015 онд Монголын Сайтын Холбооны УЗ-ийн гишүүн

2014-2015 онд Монголын Эрүү Нүүр Гажиг Засалчдын Холбооны Ерөнхийлөгч

2015- -2016 онд Нийгмийн ардчилал Монголын Залуучуудын Холбооны бага хурлын гишүүн

2017-2021 онд Хөдөлмөрийн Аюулгүй Байдал, Эрүүл Ахуйн Үндэсний Хорооны Гишүүн