МОНГОЛ УЛС, БҮГД НАЙРАМДАХ СОЛОНГОС УЛСЫН ЗАСГИЙН ГАЗАР ХООРОНДЫН ХАМТАРСАН ХОРООНЫ ЭЭЛЖИТ VIII ХУРАЛДААН СӨҮЛ ХОТНОО БОЛОВ

Нийтлэл   Улс төр 1:26 , 2024-11-11

Монгол Улс, Бүгд Найрамдах Солонгос Улсын Засгийн газар хоорондын Хамтарсан хорооны ээлжит VIII хуралдаан 2024 оны 11 дүгээр сарын 11-ний өдөр Сөүл хотноо зохион байгуулагдав. Хуралдааныг УИХ-ын гишүүн, Монгол Улсын сайд, Засгийн газрын Хэрэг эрхлэх газрын дарга, Хамтарсан хорооны Монголын хэсгийн дарга Н.Учрал, БНСУ-ын Гадаад хэргийн дэд сайд, Солонгосын хэсгийн дарга Кан Ин Сон нар ахалж, хоёр улсын холбогдох яам, байгууллагын албаны хүмүүс оролцов.

Хуралдааны эхэнд талууд хоёр улсын харилцаа, хамтын ажиллагаа “Стратегийн түншлэл”-ийн өндөр түвшинд бүхий л салбарт гүнзгийрэн хөгжиж, улс төрийн итгэлцэл бэхжиж, дээд, өндөр түвшний айлчлал, яриа хэлэлцээ тогтмолжиж байгааг тэмдэглээд хоёр орны худалдаа, эдийн засгийн бодит хамтын ажиллагааг хөгжүүлэхэд Засгийн газар хоорондын Хамтарсан хорооны механизм чухал үүрэгтэй болохыг онцлов.

Хоёр тал худалдаа, хөрөнгө оруулалтыг нэмэгдүүлэх, бизнес эрхлэгч, аж ахуйн нэгжүүдэд зах зээл, бизнесийн илүү өргөн боломжийг нээх, эдийн засгийн хамтын ажиллагааг улам өргөжүүлэхэд Монгол, Солонгосын Эдийн засгийн түншлэлийн хэлэлцээрийг байгуулах нь чухал ач холбогдолтой гэдэгт санал нэгдэж, яриа хэлэлцээ амжилттай явагдаж буйг сайшаан тэмдэглэв.

Монгол Улсын урт хугацааны хөгжлийн бодлого “Алсын хараа-2050”, Засгийн газрын үйл ажиллагааны хөтөлбөрт туссан бүтээн байгуулалтын томоохон төсөл, хөтөлбөрт БНСУ-аас хөрөнгө оруулалт татах, дэвшилтэт технологи, ноу-хау нэвтрүүлэх замаар эдийн засгийн хамтын ажиллагааг шинэ түвшинд гаргах талаар талууд санал солилцов.

БНСУ-ын хөнгөлөлттэй зээл, буцалтгүй тусламжаар хэрэгжиж буй төсөл, хөтөлбөрийн хэрэгжилтийг дүгнэж, “Солонго 1, 2”, “Баянголын ам” дахь орон сууцны хороолол барих, “Монгол, Солонгосын газрын ховор металлын хамтарсан судалгааны төв” байгуулах зэрэг төслүүд амжилттай хэрэгжиж буйг сайшаан тэмдэглэв.

Бүсчилсэн хөгжлийн бодлогын хүрээнд бүс нутгуудын тэгш байдлыг хангах, хот байгуулалт, дахин төлөвлөлтийг сайжруулах, хүнд ээлтэй орчин нөхцөлийг бүрдүүлэх чиглэлээр БНСУ-ын сайн туршлагаас судалж, хамтран ажиллахаар болов. Тухайлбал, Шинэ Хархорум хотын төлөвлөлт, бүтээн байгуулалт болон Улаанбаатар-Хархорум чиглэлийн төмөр замын техник, эдийн засгийн үндэслэлийг боловсруулах төслийг хэрэгжүүлэхэд дэмжиж ажиллахаар тогтов.

Улаанбаатар хотноо метро байгуулах ажилд БНСУ-ын компани зөвлөх үйлчилгээ үзүүлж байгааг талууд тэмдэглээд цаашид дэд бүтэц, уул уурхай, эрчим хүч зэрэг салбарт хамтын ажиллагааг өргөжүүлэхийн төлөө байгааг илэрхийлэв.

Хоёр улс байгаль орчныг хамгаалах, уур амьсгалын өөрчлөлт, цөлжилттэй тэмцэх болон эрүүл мэндийн салбарт нягт хамтран ажиллаж ирсэн бөгөөд цаашид “Тэрбум мод”, “Эрүүл монгол хүн” үндэсний хөдөлгөөний хүрээнд үргэлжлүүлэн хамтран ажиллаж, холбогдох яамд хоорондын зөвлөлдөх механизмаар дамжуулан цаашдын хамтын ажиллагааны талаар дэлгэрэнгүй санал солилцохоор тохиров.

Ирэх 2025 онд тохиох Монгол Улс, БНСУ-ын хооронд дипломат харилцаа тогтоосны 35 жилийн ойн арга хэмжээний хүрээнд монголын талаас БНСУ-д соёл, урлагийн тоглолтыг зохион байгуулахаар төлөвлөж буйг мэдээлж, талууд аялал жуулчлал, соёл, урлагийн салбарын төлөөлөгчдийн хамтын ажиллагааг цаашид үргэлжлүүлэн дэмжиж ажиллахаа илэрхийлэв.

Хоёр улсын иргэдийн солилцоо эрчимтэй явагдаж байгааг талууд онцлон тэмдэглэж, цаашид хоёр улсад оршин сууж буй Монгол, Солонгос иргэдийн эрх ашгийг хамгаалах, эмчилгээний болон бизнесийн зорилгоор зорчих монгол иргэдийн визийн нөхцөлийг хөнгөвчлөх чиглэлээр анхаарч, хамтран ажиллахаар болов. Талууд хоёр талын төдийгүй олон улс, бүс нутгийн тавцан дахь хамтын ажиллагааны талаар санал солилцож, солонгосын тал манай “Улаанбаатарын яриа хэлэлцээ” санаачилгыг цаашид ч дэмжиж ажиллахаа нотлов.

Хуралдааны хүрээнд УИХ-ын гишүүн, Монгол Улсын сайд, ЗГХЭГ-ын дарга Хамтарсан хорооны Монголын хэсгийн дарга Н.Учрал БНСУ-ын Гадаад хэргийн сайд Жу Тэ Ёль-той уулзаж, хоёр талын харилцаа, хамтын ажиллагааны асуудлаар санал солилцов. Түүнчлэн БНСУ-ын Дотоод хэрэг, аюулгүй байдлын сайд И Сан Мин, Хүний нөөцийн удирдлагын сайд Ён Вон Жон нартай тус тус уулзаж, төрийн үйлчилгээг цахимжуулах, хаягжуулалтын тогтолцоог сайжруулах, төрийн албаны шинэчлэл болон төрийн албан хаагчдыг мэргэшүүлэх чиглэлд хэрэгжүүлэх хамтын ажиллагааныасуудлаар ярилцав.



АНХААРУУЛГА: Уншигчдын бичсэн сэтгэгдэлд deed.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл




ШИНЭ МЭДЭЭ

“Узбекистаны худалдааны төв” нээлтээ хийж, бизнес эрхлэгчдийн харилцааг дэмжих боломж бүрдлээ6-23, 18:20Өндөржүүлсэн бэлэн байдлын зэрэгт ажиллаж, урьдчилан сэргийлэх хариу арга хэмжээ авахыг Ерөнхий сайд анхаарууллаа6-23, 0:56Үндэсний батлан хамгаалахын их сургууль, Дотоод хэргийн их сургуулийн төгсөгчид цэргийн цолоо гардаж авлаа6-21, 23:47Бүгд Найрамдах Казахстан Улсаас Монгол Улсад суух Онц бөгөөд Бүрэн эрхт Элчин сайд Итгэмжлэх жуух бичгээ өргөн барив6-20, 19:52Ерөнхийлөгч У.Хүрэлсүх нэр бүхий эрдэмтэд Академич хэргэм хүртээлээ.6-20, 19:50“АЛТАН ХАЙЧ-2025” ХОНЬ НООСЛОХ УЛСЫН АВАРГА ШАЛГАРУУЛАХ АНХДУГААР ТЭМЦЭЭНД МОНГОЛ УЛСЫН ӨНЦӨГ БУЛАН БҮРЭЭС 100 ГАРУЙ МАЛЧИН ТАМИРЧИД УР ЧАДВАР, ХУРД ХҮЧЭЭ СОРЬЖ БАЙНА6-20, 19:46Г.Занданшатар: Дарга нарын тоог цөөлж, цомхон, чадвартай, үр ашигтай дарамт шахалтгүй хариуцлагатай төрийн бүтцийг бий болгоно6-20, 19:42Монгол Улсын Ерөнхий сайд БНХАУ-ын Элчин сайдыг хүлээн авч уулзлаа6-20, 19:40ЕРӨНХИЙ САЙД Г.ЗАНДАНШАТАР ОХУ-ЫН ЭЛЧИН САЙДЫГ ХҮЛЭЭН АВЧ УУЛЗЛАА6-20, 19:39Олон улсын прокурорууд цахим орчин дахь гэмт хэрэгтэй хамтран тэмцэнэ6-5, 23:55Бүх цэргийн Их хар сүлдийг цэнгүүлэх тайлгын ёслол боллоо6-4, 14:28ТАТВАР, НИЙГМИЙН ДААТГАЛЫН БАГЦ ХУУЛИЙН НЭМЭЛТ, ӨӨРЧЛӨЛТИЙН ТӨСЛИЙГ УИХ-Д ӨРГӨН МЭДҮҮЛНЭ6-4, 14:28Ерөнхий сайд Л.Оюун-Эрдэнэ: Цар тахал, дайн, тариф зэрэг олон улсын ээдрээтэй үед ард түмнийхээ төлөө үйлчилсэн нь нэр төрийн хэрэг байлаа6-2, 23:42Туркменистан Улсын Ерөнхийлөгч Монгол Улсад төрийн айлчлал хийнэ5-28, 22:17Бүгд Найрамдах Австри Улсын Ерөнхийлөгчийн төрийн айлчлал өндөрлөлөө5-28, 22:16Ерөнхий сайдад итгэл хүлээлгэх тухай УИХ-ын тогтоолын төслийг УИХ-д өргөн барина5-28, 21:59“Жендэрийн эрх тэгш байдал ба уур амьсгалын өөрчлөлт” олон улсын хурал хоёр дахь өдрөө амжилттай зохион байгуулагдаж байна5-23, 21:59Засгийн газрын 14 мега төслийн тав нь хэрэгжиж эхлээд байна5-21, 22:12Агаарын бохирдол бууруулах ажлыг дулааны улиралд ч үргэлжлүүлнэ5-17, 21:2337 дахь удаагийн “Номын баяр”-ын шилдгүүд тодорлоо   5-17, 14:28Ерөнхий сайд Л.Оюун-Эрдэнэ БНХАУ-ын ӨМӨЗО-ы Ганцмод боомтод ажиллалаа5-15, 21:23Нүхэн жорлонг орчин үеийн стандарт, шаардлагад нийцсэн ариун цэврийн байгууламжаар солих төслийн хэрэгжилтийн талаар хэлэлцүүлэг боллоо5-12, 18:36Төрийн албаны зөвлөлийн гишүүнд нэр дэвшүүлэх төрийн албан хаагчийн төлөөллийн сонгон шалгаруулалтын оролцогчидтой ярилцлага хийж байна5-12, 18:33Европын Холбооноос Монгол Улсад суугаа Элчин сайд Ина Марчюлёнитег хүлээн авч уулзлаа5-12, 18:31Монгол Улсын Ерөнхийлөгч У.Хүрэлсүх Ялалтын баярын ёслолд оролцлоо5-11, 18:21Ерөнхий сайд Л.Оюун-Эрдэнэ: Хүүхдийн байгууллагын 100 жилийн түүхэн цаг хугацааны шинэ үечлэлийг өнөөдөр эхлүүлж байна5-8, 20:18Монгол Улсын Ерөнхийлөгч У.Хүрэлсүх, ОХУ-ын Ерөнхийлөгч В.В.Путин нар албан ёсны уулзалт хийлээ5-8, 18:18Өмгөөллийн тухай хуулийн зарим заалтыг хүчингүй болсонд тооцох тухай хуулийн төслийг баталлаа4-11, 2:59Б.Жавхлан: Өнгөрсөн гуравдугаар сард экспорт нэмэгдсэн4-9, 2:51УИХ-ын дэд дарга Х.Булгантуяа тэргүүтэй төлөөлөгчид Олон Улсын Парламентын Холбооны 150 дугаар чуулга уулзалтад оролцож байна4-7, 0:25Австралийн Элчин сайдыг “Найрамдал” медалиар шагналаа4-4, 23:57ЦЭРГИЙН МЭРГЭЖЛИЙН ЗЭРГИЙН НЭМЭГДЛИЙГ 26 ЖИЛИЙН ДАРАА ШИНЭЧЛЭН ТОГТООЛОО4-3, 2:512026 оныг “Боловсролыг дэмжих жил” болголоо4-2, 23:50Ерөнхийлөгч У.Хүрэлсүхийг Польшийн Ерөнхийлөгч А.Дуда албан ёсоор угтан авлаа3-13, 22:36Улсын Их Хурлын 2025 оны хаврын ээлжит чуулган гуравдугаар сарын 17-нд нээнэ3-13, 21:40Гандантэгчэнлин хийд Их хааны шүтээн хөргийг эрхэмлэн заллаа3-7, 19:25Монгол Улсын Ерөнхийлөгч У.Хүрэлсүх Бүгд Найрамдах Польш Улсад төрийн айлчлал хийнэ3-7, 17:29Монгол Улсын Ерөнхийлөгч У.Хүрэлсүх Бүгд Найрамдах Чех Улсад төрийн айлчлал хийнэ3-7, 17:26Ерөнхийлөгч У.Хүрэлсүх ээжүүд, охид, бүсгүйчүүдэд баярын мэнд хүргэлээ3-7, 17:24Зөвшөөрлийн тухай хуульд нэмэлт, өөрчлөлт оруулах тухай хуулийн төслийг УИХ-д өргөн мэдүүлнэ3-6, 17:28