![](stat/file/p/l/245/17169706936656e4c51ef75.jpg)
Энэ төв нь Тавантолгойн Баруун, Зүүн цанхийн уурхайгаас олборлогдсон түүхий нүүрсийг хүлээн авч, бутлан тээвэрлээд, “Эрдэнэс Тавантолгой” ХК-ийн “Нүүрс баяжуулах” үйлдвэрийг түүхий нүүрсээр хангахаас гадна төмөр замын тээвэрт бэлтгэн вагонд ачих технологийн 7 дамжлага бүхий цогц бүтээн байгуулалт юм.
![](stat/file/p/l/245/17169705596656e43f93c41.jpg)
Мөн нийт дамжлагаараа цагт 3500 тонн, хоногт 64,000 тонн буюу жилд 20 сая тонн нүүрс бутлах, ангилах, холих, дамжуулахын зэрэгцээ 1 вагонд 60 секундэд ачилт хийх хүчин чадалтай.
Бүрэн автомат энэхүү логистикийн төв ашиглалтад орсноор Тавантолгойн бүлэг ордоос олборлосон нүүрсийг Тавантолгой-Гашуунсухайт, Тавантолгой-Зүүнбаян чиглэлийн төмөр замуудаар тээвэрлэн олон улсад борлуулах боломжтой болж байна.
Өмнөговь аймгийн Цогтцэций сумын нутагт байрлах “Тавантолгой” нүүрсний бүлэг ордын талбайд ийнхүү түүхэн бүтээн байгуулалт сүндэрлэлээ.
![](stat/file/p/l/245/17169706906656e4c2e81a3.jpg)
Сэтгэгдэл