Улсын Их Хурлын гишүүн Ж.Эрдэнэбатын санаачилгаар Улсын Нэгдүгээр Төв Эмнэлэг /УНТЭ/, Канад улсад төвтэй “Laurel Surgical Foundation” сангийн төлөөлөлтэй хамтран хийж буй Канад болон УНТЭ-ийн нүдний эмч нарын хамтарсан баг маргаашнаас 5 хоногийн хугацаанд Сэлэнгэ аймагт нүдний үнэ төлбөргүй эмчилгээ, хагалгааг хийж эхлэх гэж байна.
УНТЭ-ийн Нүд судлал, Мэс заслын тасгийн зөвлөх эмч, АУ-ны магистр, Клиникийн профессор Б.Төмөрбаатараар ахлуулсан төслийн багийн эмч нар 7 дугаар сарын 20-24-ний өдрүүдэд сумдын эрүүл мэндийн төвтэй хамтран нарийн мэргэжлийн үзлэг оношилгоог урьдчилан хийсэн. Үзлэгээр нүдний болрын мэс засал, торлог шилэнцэр, болрын цайлт, далавч хальс, ухархай болон нулимсны замын эмгэг өөрчлөлттэй зэрэг хагалгаанд яаралтай зайлшгүй хамрагдах шаардлагатай өвчтөнүүдийг оношилсон.
Улсын Их Хурлын гишүүн Ж.Эрдэнэбат тойргийнхоо иргэдийн эрүүл мэндийг хамгаалах, урьдчилан сэргийлэх үзлэг оношилгоо, эмчилгээнд хамруулах ажлуудыг тогтмол зохион байгуулж ирсэн бөгөөд өнгөрөгч 6 дугаар сард Герман улсын Мишээл Хүүхдийн Сантай хамтран Сэлэнгэ аймгийн Орхон, Орхонтуул, Баруунбүрэн, Сант, Ерөө, Жавхлант, Хүдэр сумдууд, Бугант, Дулаанхан тосгодын нийт 1500 гаруй хүүхэд үзлэгт хамрагдаж үнэ төлбөргүй эмчилгээ, оношилгоо хийлгэж байсан.
.
Сэтгэгдэл