УИХ-ЫН ДАРГА Г.ЗАНДАНШАТАР: ӨДӨР БҮР ТАВАН ХУУДАС УНШИЖ ХЭВШИХЭД Л ХҮНИЙ АМЬДРАЛЫН ЧАНАРТ ХЭМЖЭЭЛШГҮЙ НӨЛӨӨЛЛИЙГ БИЙ БОЛГОДОГ

Улс төр 19:17 , 2022-9-16

Нийтээр тэмдэглэх баярын болон тэмдэглэлт өдрүүдийн тухай хуульд Үндэсний бичиг соёл, номын өдрүүдийг жил бүрийн 5 болон 9 дүгээр сарын гурав дахь долоо хоногийн Бямба, Ням гарагт тэмдэглэн өнгөрүүлэхээр заасан билээ.

Энэхүү өдрүүдийг Монгол Улсын Их Хурлын дарга Г.Занданшатарын ивээл дор зохион байгуулж ирсэн бөгөөд “ИЛҮҮ ИХ УНШЪЯ” уриатай арга хэмжээ өнөөдөр (2022.09.16) Улаанбаатар хотын Жанжин Д.Сүхбаатарын талбай, 21 аймгийн төв талбайд улс орон даяар нэгэн зэрэг эхэллээ.

Нийтээр тэмдэглэх баярын болон тэмдэглэлт өдрүүдийн тухай хуулийн хүрээнд бүх нийтийн уншлагыг дэмжих, номын сангийн өв санг арвижуулах, үндэсний бичиг соёлыг сурталчлах, хүүхэд залууст ном эрдмийг түгээн дэлгэрүүлэх зорилгоор зохион байгуулж буй 32 дахь удаагийн арга хэмжээний нээлтийн ажиллагаанд Улсын Их Хурлын гишүүн Б.Баттөмөр, Д.Цогтбаатар, Г.Тэмүүлэн,  Э.Батшугар, Монгол Улсын Соёлын яам, Нийслэлийн Засаг даргын Тамгын газар, Засгийн газрын хэрэгжүүлэгч агентлаг Соёл, урлагийн газрын удирдлагууд, Монгол Улсад суугаа дипломат төлөөлөгчийн газрын тэргүүнүүд, Ардын уран зохиолчид, нийтлэлчид, номын худалдаа эрхлэгчид, номын хорхойтнууд хүрэлцэн ирсэн байв.

Улсын Их Хурлын дарга Г.Занданшатар “Үндэсний бичиг соёл, номын өдрүүд”-ийг нээж хэлсэн үгэндээ, Монгол Улсын Их Хурлаас Үндэсний бичиг соёл, номын өдрүүдийг жил бүрийн тав, есдүгээр сарын гурав дахь долоо хоногийн Бямба, Ням гарагт тэмдэглэж байхаар хуульчилсан. Хуулийн хэрэгжилтийг хангах, хуулийг сурталчлах тал дээр Улсын Их Хурал онцгой ач холбогдол өгч байна. Төрийн шийдвэрийн дагуу Үндэсний бичиг соёл, номын өдрүүдийг улс орон даяар зохион байгуулж байна. Энэхүү арга хэмжээг зохион байгуулагчид болон хүрэлцэн ирсэн нийт иргэддээ талархсанаа илэрхийлье хэмээгээд, Бид монгол соёлоороо бахархан ондоошдог ард түмэн. Гэхдээ бусдын соёл хийгээд хөгжил дэвшлийн ололтыг хүндэтгэн, тэднээс суралцаж, даяаршихын зэрэгцээ өөрсдийн үнэт зүйлээрээ нэгдэн, ижилсэж ирсэн. Уламжлал, залгамжлалынхаа алтан хэлхээг ухаарч сэхээрэхийн үндэс нь ном юм. Өнөөдөр болон өнө хойчийн тухай өөр хоорондоо, хайртай зохиолчидтойгоо яриа дэлгэн хөөрөлдөж, уншиж мэдсэнээ хуваалцах, зөвшилцөх, нөхөрлөх өдрүүд эхэлж байна. Номын баярын үнэ цэн, утга учир үүнд оршино.

Энэхүү баяр бол ном, бичгийн мэргэдээ хоймортоо залан хүндэтгэж, өв соёлын ондоошлоо эргэцүүлэн тунгаах оюуны баяр билээ. Монгол хэлний тухай хуульд зааснаар 2025 оноос төрийн албан хэргийг кирилл болон үндэсний монгол бичгээр хөтлөн явуулах, цаашид бүх нийтээр монгол бичигт шилжих тул Үндэсний монгол бичгээ хойш тавилгүй суралцах даалгавар бидний өмнө байна гэлээ. Тэрбээр Үндэсний бичгээ илүү сайн сурцгаая хэмээн уриалаад уншдаг ард түмэн хөгждөг. Өдөр бүр таван хуудас уншиж хэвшихэд л хүний амьдралын чанарт хэмжээлшгүй нөлөөллийг бий болгодог гээд эрдмийн хэтнээс үсэрсэн оч, хөгжлийн гал болон дүрэлзэх болтугай гэсэн ерөөлийг дэвшүүлсэн юм.

Монгол Улсын Их Хурлын дарга Г.Занданшатарын санаачилгаар 2019 оноос эхлэн “Мэргэн ном” шагнал, 2022 оноос эхлэн “Номын сайн нөхөр” уралдаан зарлаж, улсын хэмжээний шагналыг олгон ном бүтээгчдээ урамшуулдаг болсон. “Мэргэн ном” шагналыг монголын номын салбарыг хөгжүүлэх үйлсэд хувь нэмрээ оруулж, уншлагыг түгээн дэлгэрүүлсэн үйлсийг хөхиүлэн дэмжиж, үе дамжин яригдах үнэт номыг туурвисан гурван эрхэмд олгодог уламжлалтай. Энэ жилийн “Мэргэн ном” шагналын “Чухал ном бүтээл” төрөлд Д.Урианхайн “Философийн суулгацууд” ном шалгарсан. “Уншлагыг түгээн дэлгэрүүлсэн” төрөл шагналыг “Номын ертөнц” клубийн сурагчид болон монголын уран зохиолын салбарт хөрөнгө оруулалт хийж, монгол зохиолчийн ном бүтээлийг эрхлэн хэвлүүлж ирсэн “Сэлэнгэпресс” ХХК шалгарсан.

Харин “Номын сайн нөхөр” уралдааны “Шилдэг уншигч сурагч”-аар  Баянхонгор аймгийн Баян-Ойт цогцолбор сургуулийн  3А ангийн сурагч Ц.Индра, Нийслэлийн ерөнхий боловсролын 88 дугаар сургуулийн 9Б ангийн сурагч С.Үүрийнцолмон, Дорноговь аймгийн Сайншанд сумын Ерөнхий боловсролын 5 дугаар сургуулийн 10Б ангийн сурагч Э.Дөлгөөнтамир, “Шилдэг уншигч анги, хамт олон”-оор Ховд аймгийн Жаргалант сумын “Цаст Алтай” цогцолбор сургуулийн Б.Ариунаа багштай 4А анги, “Шилдэг уншигч насанд хүрэгч” төрөлд Нийслэлийн иргэн Ю.Мөнх-Амгалан шалгарлаа.

“Шилдэг ном”-оор Төрийн хошой шагналт, Урлагийн гавьяат зүтгэлтэн, Д.Намдагийн яруу найраг, өгүүллэг, тууж, жүжгийн зохиол, романы гурван боть шалгарсан бол “Шилдэг номын сан”-гаар Булган аймгийн Нийтийн номын сан, “Шилдэг хэвлэлийн газар”-аар “Анд паблишн” ХХК тус тус шалгарсан байна.

Номын баяр нь унших, бичих, орчуулах, хэвлэн нийтлэх, түгээх үйл ажиллагааг дэмжихээс гадна үндэсний бичиг, соёл, өв, хэв маягийн элементийг сурталчлан таниулдаг, уламжлал, шинэчлэлийг хослуулдаг соёлын цөм үйл ажиллагаа юм. Ном бичигч, зохиолч, яруу найрагч, редактор, эх зохиогч, дизайнер, хэвлэлийн газар, номын дэлгүүр, номын клуб зэрэг номтой холбоотой хувь хүн, албан байгууллагууд оролцох боломжтой байдаг.

Номын баярт 300 гаруй зохиолч, 200 хэвлэн нийтлэгчид 280 гаруй асарт өөрсдийн уран бүтээлийн дээжээсээ дэлгэн оролцож байна. Номын баяр есдүгээр сарын 16,17,18-ны өдрүүдэд Жанжин Д.Сүхбаатарын талбайд гурван өдрийн турш үргэлжилнэ. “Үндэсний бичиг соёл, номын өдрүүд”-ийг үндэсний хэмжээнд зохион байгуулагчаар Соёлын яам, Засгийн газрын хэрэгжүүлэгч агентлаг Соёл, урлагийн газар, Улаанбаатар хотод Нийслэлийн Соёл, урлагийн газар, “Номын соёлт ертөнц” ТББ, орон нутагт аймгуудын Соёл, урлагийн газар, аж ахуйн нэгж, хувь хүмүүсийн оролцоотой зохион байгуулж байна.



АНХААРУУЛГА: Уншигчдын бичсэн сэтгэгдэлд ikhtenger.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл




ШИНЭ МЭДЭЭ

САЙН УДИРДАГЧ - Л.УЯНГА /Сэлэнгэ аймгийн ЕБ-ын 3-р сургуулийн захирал/11-25, 22:48“Шинэ сэргэлтийн бодлого”-ын нэг жилийн ойн босгон дээр Зүүнбаян-Ханги чиглэлийн төмөр зам ашиглалтад орлоо11-25, 22:18Газрын ерөнхий хуулийн шинэчилсэн найруулгын төслийн хэлэлцүүлгээс УИХ дахь АН-ын бүлэг завсарлага авлаа11-25, 21:49УИХ дахь намын бүлгүүд хуулийн төслүүдийн хэлэлцүүлгээс завсарлага авлаа11-25, 21:41АНУ-ын иргэн Жак Уэтерфорд, Академич Д.Доржготов нарт “Чингис хаан” тэргүүн зэргийн одон хүртээв11-24, 11:50“Сэлэнгэ энерго” ОНӨААТҮГ-т жил бүр улсын төсвөөс 1,9 тэрбум төгрөг олгоно11-23, 19:40Төрийн болон орон нутгийн өмчийн тухай хуулийн шинэчилсэн найруулгын төслийг өргөн мэдүүллээ11-21, 20:00Дэлхийн улс орнуудын парламент болон хүний эрхийн байгууллагуудын хамтын ажиллагааны сайн туршлагуудын талаар хэлэлцлээ11-21, 19:52“Парламент болон хүний эрхийн үндэсний байгууллагууд хоорондын харилцааны тухай Белградын зарчмууд” сэдэвт хэлэлцүүлэг өндөрлөв11-21, 19:49Монгол Улсад аялах Вьетнам Улсын иргэд ирэх сарын 1-нээс цахимаар виз мэдүүлнэ11-14, 14:44Монгол Улсын 2023 оны төсөв батлагдлаа11-11, 14:40Отроор яваа малчдад зөвлөн тусалж, иргэд хооронд буруу ойлголцол үүсэхээс урьдчилан сэргийлэхийг орон нутгийн удирдлагуудад анхааруулав11-10, 20:43Хууль зүйн байнгын хорооны дарга Л.Мөнхбаатар Архивын ерөнхий газарт ажиллалаа11-10, 20:09САЙН УДИРДАГЧ - Б.МӨНХТӨР /Сэлэнгэ аймгийн ХХААГ-ын дарга/11-10, 20:03“Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төслийг баталлаа11-10, 19:53Шүүх шинжилгээний тухай хуулийн шинэчилсэн найруулгын төслийн талаарх хэлэлцүүлэг боллоо11-7, 19:32БАРУУН БОСОО ТЭНХЛЭГИЙН 745 КМ АВТО ЗАМЫГ БҮРЭН АШИГЛАЛТАД ОРУУЛЛАА11-1, 17:43Түр хорооны хуралдаанаар хуулийн хэрэгжилт, цар тахлын өнөөгийн нөхцөл байдлын талаарх Эрүүл мэндийн сайдын мэдээлэл сонсов11-1, 17:32Автозамын хөдөлгөөний аюулгүй байдлыг хангаж, саадгүй зорчих бүх талын арга хэмжээ авахыг Ерөнхий сайд анхаарууллаа11-1, 17:21ГУРВАН УЛСЫГ ХОЛБОСОН АНХНЫ АВТО ЗАМЫГ БООМТЫН СЭРГЭЛТИЙН ХҮРЭЭНД АШИГЛАЛТАД ОРУУЛЛАА11-1, 17:18Зэвсэгт хүчний жанжин штабын даргаар С.Ганбямбыг томилох саналыг дэмжлээ11-1, 16:57Аялал жуулчлалын Үндэсний хорооны анхдугаар хуралдаанаар тус салбарын эрх зүйн орчныг сайжруулахаар ярилцав10-27, 22:56Ерөнхий сайд Л.Оюун-Эрдэнэ БНХАУ-ын Элчин сайдыг хүлээн авч уулзлаа10-26, 22:08Төрөөс мөнгөний бодлогын талаар 2023 онд баримтлах үндсэн чиглэл батлах тухай УИХ-ын тогтоолын төслийн анхны хэлэлцүүлгийг хийв10-25, 21:48Ерөнхий сайдын айлчлалын яриа хэлэлцээг бодит ажил болгож хамтын ажиллагаагаа үргэлжлүүлэхээ Канцлер О.Шольц илэрхийлснийг уламжлав10-25, 21:43“Шинэ сэргэлтийн бодлогын тэргүүлэх зорилт - Боомтын сэргэлт” салбар хэлэлцүүлэг боллоо10-19, 18:06Д.Амарбаясгалан: Засгийн газар нийтийн тээврийг либералчлах бодлого баримтална10-14, 22:55ЕРӨНХИЙ САЙД Л.ОЮУН-ЭРДЭНЭ ХБНГУ-ЫН ХОЛБООНЫ ЕРӨНХИЙЛӨГЧ ФРАНК-ВАЛЬТЕР ШТАЙНМАЙЕРТ БАРААЛХАВ10-14, 22:51Засгийн газар, Хөгжлийн бэрхшээлтэй иргэдийн төрийн бус байгууллагууд хамтарсан ажлын хэсэг байгуулна10-14, 22:48Монгол Улсын 2023 оны төсвийн тухай хуулийн төслүүдийг хэлэлцэж эхэллээ10-6, 20:52АБГББХ: Түр хорооны бүрэлдэхүүнийг шинэчлэн батлах тухай УИХ-ын тогтоолын төслийг хэлэлцэхийг дэмжлээ10-6, 19:50УИХ-ын гишүүн Б.Энхбаяр НҮБ-ын Ажлын хэсгийн төлөөлөгчидтэй уулзлаа10-6, 19:44Төрийн захиргааны байгууллагуудад чанарын менежментийн тогтолцоог нэвтрүүлж, төрийн бүтээмжийг сайжруулна10-6, 19:22Ерөнхий сайд Л.Оюун-Эрдэнэ: Ямар ч улс төржилт, ямар ч эсэргүүцэл хөрш орнуудтай Засгийн газрын хэлэлцэн тохиролцсон томоохон төслүүдийг гацаах ёсгүй гэдгийг Ерөнхий сайдын хувьд хариуцлагатайгаар дахин хэлье!10-6, 19:20“Төрөөс мөнгөний бодлогын талаар 2023 онд баримтлах үндсэн чиглэл батлах тухай” Улсын Их Хурлын тогтоолын төслийг хэлэлцэж эхэллээ10-6, 13:27Улсын Их Хурлын 2022 оны намрын ээлжит чуулган эхэллээ10-3, 15:07МОНГОЛ УЛС, ОХУ-ЫН ЗАСГИЙН ГАЗАР ХООРОНДЫН КОМИССЫН ТЭЭВРИЙН АЖЛЫН ХЭСГИЙН ЭЭЛЖИТ 17-Р ХУРАЛДААН МОСКВА ХОТНОО БОЛЛОО10-2, 17:55Канад Улсын болон Улсын Нэгдүгээр Төв эмнэлгийн нүдний эмч нар хамтран Сэлэнгэ аймагт ажиллана10-2, 17:17Хөрөнгийн биржийн олон нийтэд нээлттэй хувьцааг арванхоёрдугаар сард гаргана9-28, 18:57Хууль зүйн байнгын хорооны гишүүд АНУ-д Зөрчлийн хуулийн хэрэгжилтийн талаар туршлага судлан ажиллаж байна9-28, 17:43