УЛСЫН СҮР ЦЭРЭГТЭЭ, ЦЭРГИЙН СҮР ЖАГСААЛДАА

18:53 , 2022-7-10
Тулгар төрийн 2231 жил, Их Монгол Улс байгуулагдсаны 816 жил, Ардын хувьсгалын 100, 101 жилийн ой, Монгол Улсын Төрийн далбааны өдөрт зориулсан Цэргийн ёслолын жагсаал өнөөдөр Их жанжин Д.Сүхбаатарын талбайд зохион байгуулалтын өндөр түвшинд ёслол төгөлдөр явагдаж өнгөрлөө.
Цэргийн ёслолын жагсаалд Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүх, Монгол Улсын Их Хурлын дарга Гомбожавын Занданшатар, Монгол Улсын Ерөнхий сайд Лувсаннамсрайн Оюун-Эрдэнэ болон Улсын Их Хурал, Засгийн газрын гишүүд, Монгол Улсад суугаа дипломат төлөөлөгчийн газруудын хүндэт зочид, Батлан хамгаалах яам, Зэвсэгт хүчний Жанжин штаб, Зэвсэгт хүчний Хуурай замын цэрэг, Агаарын цэрэг, Тусгай хүчний цэргийн командлал, Хил хамгаалах Ерөнхий газар, Дотоодын цэргийн штаб, Онцгой байдлын Ерөнхий газар, Тагнуулын Ерөнхий газар, Төрийн тусгай хамгаалалтын газар, Шүүхийн шийдвэр гүйцэтгэх Ерөнхий газар, Цагдаагийн Ерөнхий газар, Үндэсний Батлан Хамгаалахын Их Сургууль, Дотоод Хэргийн Их Сургуулийн удирдлага, бие бүрэлдэхүүн, Төрийн хүндэт харуул, бэлтгэл, чөлөөнд байгаа ахмад дайчид, нийслэлийн иргэдийн төлөөлөл оролцсон юм.
Энэ жилийн хувьд Ардын хувьсгалын 100, 101 жилийн тэгш ой тохиож байгаа бөгөөд Монгол Улсын Төрийн далбааны өдөрт зориулсан Цэргийн ёслолын жагсаалд дээрх байгууллагуудын 4000 гаруй алба хаагчид, морьт цэргүүд, дугуйт болон хүнд гинжит техникүүд оролцлоо.
Цэргийн ёслолын жагсаалын эхэнд Жанжин тугийг залсны дараа Ёслолын жагсаал командлагч ЗХЖШ-ын нэгдүгээр орлогч дарга бригадын генерал С.Ганбямба Засгийн газрын гишүүн, Батлан хамгаалахын сайд Г.Сайханбаярт илтгэл өгч, Улаанбаатар цэргийн хүрээний төрийн цэргийн болон хууль сахиулах байгууллагуудын нэгтгэл, ангиуд Цэргийн ёслолын жагсаалд бэлэн болсныг илтгэв.
Үүний дараа Засгийн газрын гишүүн, Батлан хамгаалахын сайд Гүрсэдийн Сайханбаяр Ёслолын жагсаалд оролцож буй нэгтгэл, ангиудын бие бүрэлдэхүүнтэй мэндчилж, Ардын хувьсгалын 100, 101 жилийн ойн болон Төрийн далбааны өдрийн мэндийг дэвшүүлж, Баяр хүргэсний дараа Монгол Улсын Ерөнхийлөгч, Зэвсэгт хүчний Ерөнхий командлагч Ухнаагийн Хүрэлсүхэд илтгэл өгснөөр Цэргийн ёслолын жагсаал сүр жавхлантай эхэлсэн юм.
Цэргийн ёслолын жагсаал нь төрийн цэргийн болон хууль сахиулах байгууллагуудын алба хаагчдын ёслолын жагсаал, өнгөрөгч зууны шинэ цагийн түүхийг эхлүүлэн, тусгаар тогтнол, эрх чөлөөгөө зарлан тунхагласан Ардын журамт цэргийн жагсаал, 1939 оны Халхын голын байлдаан, 1945 оны Чөлөөлөх дайны хүндийг мөрлөн үүрч, хорвоогийн элгэн дээр Монгол цэргийн ялалтыг дархалсан дайчин эрсийн жагсаал, ОХУ-д зохион байгуулагдсан Аугаа их Эх орны дайны ялалтын 75 жилийн ойн цэргийн ёслолын жагсаалд Монгол Улсын Зэвсэгт хүчнийг төлөөлөн оролцсон шилдэг дайчдын жагсаалаас бүрдэж байв.
Мөн Монгол цэргийн алдар гавьяаг дэлхий дахинд цуурайтуулан мөнхөлж, хүлгийн туурайгаар хөвчин дэлхийг туулсан эртний дайчин баатруудын морьт жагсаал ч Цэргийн ёслолын жагсаалын нэгээхэн хэсэг нь байлаа. Магнаг үсэгтэй тугаа мандуулан, их хувьсгалын уухайгаар эрх чөлөө, тусгаар тогтнолоо тэмцэн олж, энх цагийн түүхийг бичсэн хатан зоригт баатрууд, Ардын журамт цэргийн морьт жагсаал, морьт хорооны дайчин эрсийн жагсаал үнэхээр сүр жавхаатай байсныг бахдах хүн нэн олон ажээ.
Түүнчлэн Монгол Улсын Зэвсэгт хүчний инженер, техникийн ажилтнуудын шинээр анхлан зохион бүтээсэн тусгай зориулалтын автомашинууд болох “Хилэнцэт” тусгай ажиллагааны бартаат замын машин, “Чоно-1” бүлгийн байлдааны машин, “Мазаалай” хөнгөн хуягласан автомашинууд болон “Форд-Ф550” тусгай зориулалтын хуягласан автомашин, “Донг фэнг-EQ2050” тусгай зориулалтын хөнгөн хуягласан суудлын автомашин, “Ивеко NJ2050” тусгай зориулалтын бүлгийн автомашин олны нүдийг хужирлан, сэтгэлийг огшоов.
Тэрчлэн байлдааны нисэх онгоц, МИ-8, МИ-171Е нисдэг тэргүүдээс гадна “Ёл-1, 2” загварын нисгэгчгүй нисэх төхөөрөмж цэргийн ёслолын жагсаалыг чимж байлаа.
Түүнээс гадна Нийслэлийн Налайх дүүрэг дэх Зэвсэгт хүчний 337 дугаар ангиас Хүнд, гинжит техникийн буюу Т-72А, Т-55загварын танкууд болон Явган цэргийн байлдааны машин (БМП-1)-уудын Ёслолын жагсаал сүр жавхлантайгаар үргэлжилсэн юм.
Ийнхүү Жанжин Д.Сүхбаатарын талбайд зохион байгуулагдсан Монгол Улсын Төрийн далбааны өдөрт зориулсан Цэргийн ёслолын жагсаал нь монгол цэргийн цог золбоо, сүр хүч, яруу алдрыг илтгэн харуулсны зэрэгцээ төрийн цэргийн болон хууль сахиулах байгууллагуудын хамтын ажиллагааны цар хүрээ, ач холбогдлыг өндөрт өргөснөөр амжилттай зохион байгуулагдлаа.


АНХААРУУЛГА: Уншигчдын бичсэн сэтгэгдэлд ikhtenger.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан бөгөөд мөн IP хаяг ил гарсан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.

Сэтгэгдэл




ШИНЭ МЭДЭЭ

Ерөнхий сайд Л.Оюун-Эрдэнэ Ш.Абэтай салах ёс гүйцэтгэх Төрийн ёслолд оролцоно9-23, 17:43Байгаль орчин, аялал жуулчлалын яам болон зарим харьяа байгууллагуудыг хотын төвөөс нүүлгэнэ9-23, 17:38Монгол Улсын Ерөнхийлөгч НҮБ-ын индрээс дэлхий нийтийг энх тайванд уриалав9-23, 17:29Монгол Улсын Ерөнхийлөгч НҮБ-ын Ерөнхий нарийн бичгийн даргатай уулзав9-23, 17:25Суварга хайрхан ууланд холбогдох түүх, шашин, соёлын судалгааны үр дүнг хэлэлцэж байна9-23, 17:23Монгол Улсын Ерөнхийлөгч У.Хүрэлсүх Бүгд Найрамдах Словени Улсын Ерөнхийлөгч Борут Пахортай уулзав9-23, 17:20Монгол залуус оюун ухаанаараа дэлхийн хаана ч өрсөлдөх бүрэн боломжтой9-23, 17:14“Сендайн дунд хугацааны тайлан” сэдэвт үндсэн хуралдааныг Монгол Улсын Шадар сайд С.Амарсайхан нээж үг хэллээ9-21, 18:56Д.Амарбаясгалан: Төрийн зүгээс бизнесийн салбарынханд үзүүлдэг олон төрлийн саад тотгор, хүнд суртлаа багасгах тухай ярьж, бичиж байгаа.9-21, 16:37Ургац хураалтын явц өнөөдрийн байдлаар9-21, 16:32Цахим хөгжил, харилцаа холбооны яам, Монголын нотариатчдын танхим хамтран ажиллах санамж бичигт гарын үсэг зурлаа.9-21, 16:29Б.Батцэцэг сайд Мянганы сорилтын корпорацийн гүйцэтгэх захирал Алис Олбрайтыг Нью Йорк хотноо хүлээн авч уулзав9-21, 16:27Ж.Сүхбаатар: Түгжрэлийг бүрэн шийдэж, арилгана гэвэл энэ нь ойрын ирээдүйд боломж нь хомс.9-18, 20:19УИХ-ЫН ДАРГА Г.ЗАНДАНШАТАР: ӨДӨР БҮР ТАВАН ХУУДАС УНШИЖ ХЭВШИХЭД Л ХҮНИЙ АМЬДРАЛЫН ЧАНАРТ ХЭМЖЭЭЛШГҮЙ НӨЛӨӨЛЛИЙГ БИЙ БОЛГОДОГ9-16, 19:17БАЙНГЫН ХОРООНЫ ДАРГА БОЛОН САЛБАРЫН САЙД БИЕИЙН ТАМИР, СПОРТЫН УЛСЫН ХОРООНД АЖИЛЛАЛАА9-16, 0:08Монгол Улсын Шадар сайд С.Амарсайхан Австралийн Холбооны Улсын Шадар сайд Ричард Марлзтай уулзлаа9-15, 23:39Монгол, Оросын аврагчид хамтарсан дадлага сургуулилт хийж байна9-15, 15:51УИХ-ын дарга Г.Занданшатар Тайландын Хаант Улсын Шадар сайд бөгөөд Худалдааны сайд Журин Лаксанависитийг хүлээн авч уулзав9-5, 21:35Монгол Улсын Ерөнхий сайд Л.Оюун-Эрдэнэ Дорнын эдийн засгийн VII чуулга уулзалтад оролцоно9-5, 21:23Газрын тосны бүтээгдэхүүн хуваах зарим гэрээг цуцлахаар боллоо9-5, 21:20Г.САЙХАНБАЯР САЙД ЭЛЧИН САЙД ХАТАГТАЙ КЭЙТИ СМИТИЙГ ХҮЛЭЭН АВЧ УУЛЗАВ9-2, 18:42Монгол Улсын Ерөнхийлөгч У.Хүрэлсүх Монгол Улсын их сургуулийн хичээлийн шинэ жилийн нээлтэд оролцов9-1, 15:55Монгол Улсын их сургууль Эзэн Богд Чингис хааны эш хөргийг залав9-1, 15:52УИХ-ын дарга Г.Занданшатар АШУҮИС-ийн 80 дахь хичээлийн шинэ жилийн нээлтийн үйл ажиллагаанд оролцов9-1, 15:49Анагаахын шинжлэх ухааны үндэсний их сургууль Эзэн Богд Чингис хааны эш хөргийг залав9-1, 15:45УИХ-ын дарга Г.Занданшатар нийслэлийн ерөнхий боловсролын 3 дугаар сургуулийн хичээлийн шинэ жилийн нээлтэд оролцлоо9-1, 15:42УИХ-ын гишүүн Ж.Эрдэнэбат: Мэндчилгээ9-1, 12:58Төрийн өмчит үйлдвэрийн газар, компаниуд Төрийн хэмнэлтийн хуулийг хэрэгжүүлж 80 орчим тэрбум төгрөг хэмнэжээ9-1, 2:09Монгол, Орос, Хятадын Гадаад хэргийн дэд сайдын цахим уулзалт боллоо9-1, 1:58Шинээр томилогдсон Засгийн газрын гишүүд Улсын Их Хуралд тангараг өргөлөө8-30, 23:21Төсвийн байнгын хорооны даргаар УИХ-ын гишүүн Г.Тэмүүлэнг сонгохыг дэмжив8-30, 23:15Мэргэжлийн болон техникийн боловсрол, сургалтын тухай хуулийн шинэчилсэн найруулгын төслийг өргөн мэдүүлэв8-30, 22:51Үйлдвэржилтийн бодлогын байнгын хорооны даргаар УИХ-ын гишүүн Т.Энхтүвшинг сонгохыг дэмжлээ8-30, 22:42Боловсрол, соёл, шинжлэх ухаан, спортын байнгын хорооны даргаар УИХ-ын гишүүн Г.Мөнхцэцэгийг сонгохыг дэмжив8-30, 22:39Ёс зүй, сахилга хариуцлагын байнгын хорооны даргаар УИХ-ын гишүүн Б.Баттөмөрийг сонгохыг дэмжлээ8-30, 22:36Хууль зүйн байнгын хорооны даргаар УИХ-ын гишүүн Л.Мөнхбаатарыг сонгохыг дэмжлээ8-30, 22:34Эдийн засгийн байнгын хорооны даргаар УИХ-ын гишүүн Ц.Цэрэнпунцагийг томилохыг дэмжлээ8-30, 22:30УИХ-ЫН 2022 ОНЫ ЭЭЛЖИТ БУС ЧУУЛГАНЫГ ХААЖ, УИХ-ЫН ДАРГА Г.ЗАНДАНШАТАРЫН ХЭЛСЭН ҮГ8-30, 22:17УИХ-ын 2022 оны ээлжит бус чуулган өндөрлөлөө8-30, 21:59Ерөнхий сайд Засгийн газрын гишүүдийг чөлөөлөх, томилох тухай асуудлыг танилцууллаа8-30, 1:50