Японы мэргэжлийн сүмо бөхийн Хацу башё Токио хотын "Регоку Кокугикан" ордонд үргэлжилж байна. Тэмцээний тавдахь өдөр буюу өнөөдөр манай хоёр бөх хоорондоо учраа таарчээ. Озеки Тэрүнофүжи-сэкиваке Тамаваши нар хоорондоо барилдахаар учраа таарсан байна. Тэмцээнийг тэргүүлж яваа Хакүхо аварга маэгашира Шохозантай барилдах бол өчигдөр өрсөлдөгч бөхдөө өвдөг шороодсон Какүрюү М.Ананд комүсүби Такаясутай барилдах аж.
Мөн ёкозүна Харумафүжи маэгашира Окиноумитай барилдана. Маэгаширагийн 2-т эрэмбэлэгдэж том цолтонуудтай барилдаж буй Араваши Э.Дөлгөөн.өнөөдөр озеки Гойёдотой барилдах юм. Озеки Гойёдо 2 даваа, 2 унаатай амжилт муутай барилодаж байгаа бол озеки Кисеносато 4-0 үзүүлэлттэйгээр маэгашира Митакеумитай барилдахаар болсон байна. Маэгашира Митакеуми энэ сар аварга Какүрюү, Харумафүжи, озеки Гойёдо нарыг өвдөг шороодуулаад байгаа юм. Тиймээс өнөөдрийн барилдаан олон бөх сонирхогчдын анхаарлыг татах нь зүйн хэрэг билээ.
Дээд зиндааны эхний барилдааныг жин ихт хоёр бөх Ичиножёо- Гагамару нар хийнэ. Тэргүүлэгчийн эгнээнд явж буй Такайнова А.Баасандорж өнөөдөр Чиёоторитой, Чиёошома Г.Мөнхсайхан Аойяаматай учраа таарчээ. Жюүрёо зиндааны бөхчүүдээс Кёокүшюхо 3-1, Азамарюү 2-2, Сэйро 0-4 амжилттай барилдаж байна.
Ч.Амар
Сэтгэгдэл