Ө.Энхтүвшин: Ерөнхийлөгч, Засгийн газар, хуулийн байгууллагын нэр хүндыг хар

 УИХ-ын лхагва гарагийн хуралдаанаар УИХ-ын гишүүн Ө.Энхтүвшин хууль хяналт, төр засгийн бодит байгаа байдлыг дүгнэж үг хэлсэн юм. Голыг нь олоод, үнэнийг хэлсэн гэдэг гэдэг төрийн түшээгийн хувьд төрийн байгууллага, тэр дундаа хууль хяналт, Ерөнхийлөгчийн  байгаа байдлыг ч хатуухан шүүмжилсэн юм.

Тэрбээр “Хуулийн байгууллагын талаар олон нийтийн дунд албан тушаалтай, хөрөнгөтэй хүмүүсийн хэрэг тэгсгээд замхараад алга болдог. Амьдралын боломжгүй, хөрөнгө чинээ муутай  хүнийг хэргийг шийдэхдээ хөл нь хөнгөн, чих нь зөөлөн маш хурдан шийддэг гэсэн шүүмжлэл яваад байгаа. Бид том том хэргүүдийн тухай ярьж байна. Эрдэнэтийн 49 хувийг авсан, Хөгжлийн банкны олон чанаргүй зээл, 1.3 их наяд төгрөгийн идсэн уусан асуудал, концесс гээд үнэ өртөгийг нь хэд дахин нэмэгдүүлээд  хуваагаад цаагуураа идэж байгаа, үнэ тогтворжуулах хөтөлбөртэй холбоотой асуудал гээд сүүлийн хэдэн жил хангалттай ярилаа. Энэ том асуудлууд өнөөдрийн байдлаар ямар нэг тодорхой шийдэгдсэн зүйл алга. Шалгаж байгаа л гэдэг. АТГ-т Хөгжлийн банкны асуудлыг шалгаад өг гээд  УИХ-д сууж байсан 26 хүний гарын үсэг бүхий хүсэлтийг өгсөн.

Шалгаагүй одоо хүртэл байж л байна. Ингэсэн атлаа гэрт нь төлөгний мах авчираад өгөхөд нь идчихж л дээ. Гэтэл төлөгний мах хахуульд авсан гээд хэргээр Сонгинохайрхан дүүргийн шүүхээс гурван жилийн ял авсан тохиолдол байна. Энэ юу гэсэн үг вэ гэхээр том хэргүүд нь дарагдаад чимээгүй байгаад байдаг, хөөцөлдөлгөө муутай, ах дүү муутай хүмүүс хэлмэгдээд ял аваад явчихдаг болж. Хууль хянлатын байгууллагын удирдлагад томилогдож байгаа хүмүүсийг шударга байгаарай гэж захимаар байна. Ард түмэнд итгэх итгэл тун бага үлдлээ. Ерөнхийлөгчийн нэр хүнд, Засгийн газрын нэр хүнд, Шүүхийн нэр хүнд ямар байгаа билээ. Тэр нь сайн гээд ярих зүйл алга. Ингээд ирэхээр ард түмэнд хэнд ч итгэхгүй, ямар ч байгууллагад итгэхгүй өөрсдийнхөө асуудлаа өөрсдөө шийднэ гээд гараад явах өдөр хол биш байгаа шүү гэдгийг хэлэе.

Өнгөрсөн өдрүүдэд С.Зоригийн хэргийн асуудал байна. Миний уулзсан бүх хүн энэ шүүх ажиллагаанд итгэхгүй гэж байна. 18 жилийн дараа малчин, ногоочин хоёрын хэрэг илрээд ямар аймаар зохион байгуулалттай юм бэ  гэж байна. Энэ шүүх хурлыг ард түмэнд нээлттэй явуулсан бол арай өөр үнэлгээ өгөх байсан байх. Шүүх  хурал нь хаалттайгаас иргэд итгэлгүй үнэлгээтэй үлдэж байна. Малчин, ногоочин хоёрт  энэ хэргийг чихээд цаад хүмүүс нь зүв зүгээр өнгөрлөө”  гэсэн юм.